Pramukula Jnapakalu
Editor · Biographies & Auto Biographies
Price: Rs. 155. 'జ్ఞాపకాలు' శీర్షిక కింద గొరుసు జగదీశ్వరరెడ్డి చేసిన కొన్ని ఇంటర్వ్యూ కథనాలు ఈ పుస్తకంలో ఉన్నాయి. సమాచార సేకరణ ఇంటర్వ్యూ రూపంలోనే జరుగుతుంది. తరువాత దాన్ని ఉత్తమపురుష కథనంగా మారుస్తారు. ఎవరెవరిని ఇంటర్వ్యూ చేయాలనేది ఒక దశ. వారితో మాట్లాడడం ఒక దశ. రచన మూడో దశ. ఒకటి అభిరుచిని బట్టి, రెండోది చాతుర్యాన్ని బట్టి, మూడోది నైపుణ్యాన్ని, అనుభవాన్ని బట్టి ఉంటాయి. ఇంటర్వ్యూ చేయబడ్డ ప్రతి ఒక్కరూ వాళ్ల వాళ్ల రంగాల్లో తీవ్రమయిన అభినివేశం ఉన్నవారు. మనుషుల్లో ఉండే అన్ని పాత్రలనూ పోషించాను కాబట్టి, ఇక నాకు మరుజన్మే ఉండదు - అని ఒక రంగస్థల నటుడు అంటాడు. అది అతిశయం కాదు. ఆత్మగౌరవం కూడా.. ప్రతి ఒక్కరికీ తమ కళాత్మక జీవితంపై ఎంతో సంతృప్తి ఉన్నది. మార్కెట్ ప్రపంచం వారిని గుర్తించకపోయి ఉండవచ్చు. గుర్తించాలన్న తాపత్రయమూ వారికి లేదు. 'చాటు నుండే ఎంకిని సఐకు రాజేశావ' అని చలం సిగ్గుపడ్డట్టు, ఈ మాత్రం వెలుతురుకే వీళ్లు ఇబ్బందిపడి ఉండవచ్చు. వారి జీవితాల్లో ఎంతటి వినయం, ఎంతటి విజయం ఉన్నాయో, వాటన్నింటినీ తన అక్షరాల్లో రంగరించిన గొరుసు పాత్రికేయుడుగా విజయం సాధించాడు.