Krishnalohita
యద్దనపూడి సులోచనారాణి / Yaddanapudi Sulochana Rani · Novels
Price: Rs. 112. యద్దనపూడి సులోచనారాణి కృష్ణలోహిత స్పెషల్ వార్డులో వున్న గది తలుపులు నిశ్శబ్దంగా తెరుచుకున్నాయి. అవంతి లోపలకు అడుగుపెట్టింది! గదిలో మంచం మీద తరుణ్ నిద్రలో వున్నాడు. అతని రెండు చేతులు మణికట్టు దగ్గర కట్లు కట్టి వున్నాయి. వాటిని చూడగానే, అవంతి కళ్ళనుంచి నీళ్ళు జలజలా రాలినాయి! నిన్న "ఇదేమిటి?" అని తను అడిగినందుకు 'జవాబు'గా అతను మణి కట్ల దగ్గర నరాలు బ్లేడుతో కోసుకొని చచ్చిపోవటానికి సిద్ధం అయ్యాడు. అవంతి పరుగెత్తి మంచం దగ్గర మోకాలి మీద కూలబడి అతని చేతి దగ్గర తల దాచుకుంది. తరుణికి మెలకువ వచ్చింది. “అవంతీ! నీకు --- నీకు --- కృష్ణలోహిత ---- అంటే --- తెలుసా?” అన్నాడు అస్పష్టంగా. తెలియదన్నట్టు తల తిప్పింది. "కృష్ణలోహిత -- అంటే -- నలుపు వర్ణం కలిసిన ఎరుపురంగు. నలుపు అంటే -- చీకటి. శూన్యం! ఎరుపు అంటే- రక్తం! - హత్య! నా మనసు యీరెండింటిలో ఎటు వెళ్ళాలో తెలియక కొట్టుమిట్టాడుతోంది! నాకు -- మూడో -- దోవ లేదు! లేదు -- అవంతీ --" ఇది వినగానే, నీళ్ళునిండిన అవంతి కళ్ళలో ఆశ్చర్యం! అయోమయం!! భయం!! ఏమిటీ దీని అర్థం!! ఆంధ్రుల ఆరాధ్య రచయిత్రి శ్రీమతి యద్దనపూడి సులోచనారాణి మరో నవలా రాజం 'కృష్ణలోహిత' తప్పక చదవండి!