B.R. AMBENDKAR BHARATHA DESHAM-COMMUNISM
Editor · Best Selling
Price: Rs. 110. అంబేద్కర్ మార్క్సిజానికి, కమ్యూనిజానికి వ్యతిరేకం అని భావించడం ఒక అపోహ. మార్క్సిజంతో అంబేద్కర్ సంబంధం అంత తేలిగ్గా అంతుచిక్కనిది. ఆయన తనను సోషలిస్టు అని నిర్వచించుకున్నాడు కాని మార్క్పిస్టు అని చెప్పుకోలేదు. కాని మార్క్సిజం శక్తి సామర్ధ్యాలతో అయన ఎంతో ప్రభావితం అయ్యారు. అయితే కొన్ని మార్క్సిస్టు సైద్ధాంతిక సూత్రీకరణల పట్ల ఆయనకు తీవ్రమైన మినహాయింపులున్నాయన్నది వాస్తవం. దళితుల్లో స్వార్థపర శక్తులు మాత్రం అంబేద్కర్ను మార్క్సిజానికి గట్టి వ్యతిరేకిగా చిత్రీకరిస్తున్నాయి. అందుచేత అంబేద్కర్ మానవ సమాజాన్ని చూసిన మౌలిక ప్రాతిపదిక అయిన వర్గం అనేది నిషిద్ధమైనదిగా మిగిలిపోయింది. కమ్యూనిస్టులు తమ వైపు నుండి అంబేద్కర్ పైన ఆయన భావాలపైన దాడి చేశారు. 1950ల ఆరంభంలో అంబేద్కర్ 'భారతదేశము-కమ్యూనిజము' అనే పుస్తకం రాయడం మొదలుపెట్టారు. కాని అది పూర్తి కాలేదు. ఆ రచన తాలూకు ఇప్పుడు లభిస్తున్న భాగాలను, మరో అసంపూర్తి రచన 'నేను హిందువును కాగలనా?' భాగాలను కూర్పుచేసినది ఈ ప్రచురణ. విభజనకు ఇరువైపుల ఉన్న వారూ తప్పక చదవాల్సినది ఈ పుస్తకం. ఇరువురి కళ్ళూ తెరిపిస్తుంది. బి.ఆర్. అంబేద్కర్ (1891-1956) భారతదేశంలోని అత్యంత పురోగామి ఆలోచనాపరుల్లో ఒకరు. 1936లో 'కుల నిర్మూలన' రాసిన సంవత్సరంలోనే ఆయన ఇండిపెండెంట్ లేబర్ పార్టీని స్థాపించారు. ఆయన స్వతంత్ర భారత తొలి న్యాయ శాఖామంత్రి. భారత రాజ్యాంగ రచనను పర్యవేక్షించారు. ఆనంద్ తేలుంబ్లే పౌరహక్కుల కార్యకర్త. రాజకీయ విశ్లేషకుడు, కాలమిస్టు. పలు గ్రంథ రచనలు చేశారు. టెక్నాలజీ, మేనేజ్మెంట్ రంగాలలో ప్రవీణుడైన ఆయన పోరాట వ్యూహాలను పదును తేల్చడానికి ఆ పరిజ్ఞానాన్ని వినియోగిస్తున్నారు. చాలకాలంగా 'మార్జిన్ స్పీక్' అనే పేరుతో ఎకనామిక్ అండ్ పొలిటికల్ వీక్లీలో కాలమ్ నిర్వహిస్తున్నారు.