మార్క్స్ - థీసీజ్ ఆన్ ఫొయర్బాక్ / Marx - Theses on Feuerbach
Rao Krishna Rao / రావు కృష్ణారావు · Books
Price: Rs. 95. ఫ్యూయెర్బాక్పై తన అవగాహనను మార్క్స్ పదకొండు పాయింట్లుగా రాసిపెట్టుకొన్నాడు. తర్వాత విపులీకరించే ఉద్దేశంతో కావచ్చు. ఇది 1845లో. అప్పటికి మార్క్సు వయసు ఇరవై ఏడేళ్లు. ఆ పదకొండు అంశాలూ పదకొండు సిద్ధాంత సూత్రీకరణలు. ఫ్యూయెర్బాక్ అంటే మార్క్సుకి ఎంతో అభిమానముంది. అయితే ఫ్యూయెర్బాక్ భౌతికవాదానికున్న పరిమితుల్ని అర్థం చేసుకోడంలో మార్పుకి ఆ అభిమానం అడ్డుపడలేదు. ఫ్యూయెర్బాక్ నైరూప్య మానవుని స్థానంలో మార్క్సు నిజమైన మనిషినీ, యాంత్రిక భౌతికవాదం స్థానంలో గతితార్కిక భౌతికవాదాన్నీ నెలకొల్పాడు. ఆయన తాత్వికతలో ప్రకృతి, మనిషి, మానవ ఆలోచనలు, మొత్తంగా మానవ సమాజం, దాని చరిత్ర నిశ్చల నిశ్చితాలు కావు; అవి చలనశీలం, పరిణామ శీలం. ఈ తాత్విక ధోరణిని గ్రహించడానికి ఈ పదకొండు సూత్రీకరణలూ సాయపడతాయి. ఇంగ్లిషులో అవి Theses On Feuerbach. రావు కృష్ణారావు గారు అధ్యయనశీలి. మార్క్సిస్టు. ఆయన గొప్ప కృషి చేసి ఈ 11 Thesis లను ఈ పుస్తకంలో విపులీకరించారు.